सम्बाददाता
काठमाडौँ उपत्यकामा वायु प्रदूषणको अवस्था नियन्त्रणबाहिर गएको छ।
हिजो केही सुधार देखिए पनि आज बिहान पुनः स्थिति गम्भीर बनेको छ।
एक्युआई २४७ सम्म पुग्नु भनेको उपत्यकावासीको फोक्सोमा धुलो र धुवाँको विष पस्नु हो।
देशभरि रातो सङ्केत देखिएको यस अवस्थालाई वातावरण विभागले गम्भीर रूपमा लिएको छ।
विभागका महानिर्देशक ज्ञानराज सुवेदीका अनुसार प्राकृतिक र मानवीय दुवै कारणले यो स्थिति सिर्जना भएको हो।
विशेष गरी पश्चिम तराईका ७८ भन्दा बढी स्थानमा भइरहेको वन डढेलोको धुवाँले उपत्यकालाई नै ढाकेको छ।
प्रदूषणको यो लेभलले केवल श्वासप्रश्वासमा मात्र नभई दीर्घकालीन रूपमा मुटुरोग र अन्य जटिल स्वास्थ्य समस्या निम्त्याउन सक्छ।
स्वास्थ्यकर्मीहरूले वायुको गुणस्तरमा सुधार नआएसम्म घरबाहिरको हिँडडुल कटौती गर्न र स्वास्थ्य सुरक्षाका मापदण्ड पालना गर्न अपिल गरेका छन्।
